Þegar fyrsta barnabarnið mitt var væntanlegt í heiminn prjónaði ég fallegt sett handa henni sem hún átti að fara í heim af spítalanum. Fallega vínrautt, því von var á stelpu.
Þegar barnið fæddist kom þó öllum á óvart að þar var fæddur hinn myndarlegasti drengur 😊
Amman þurfti því að grípa prjónana í snarhasti og prjóna eitthvað annað í staðinn fyrir allt þetta bleika og rauða, og kjólana, og því vannst aldrei tími til að skrifa uppskriftina að því sem átti að verða heimferðasett stúlkunnar, fyrr en núna.
Smekkbuxurnar eru prjónaðar ofan frá og niður, með mynstri á smekk en annars slétt. Fyrst er smekkurinn prjónaður, þá er bætt við lykkjum fyrir bakstykki og stykkið prjónað í hring þar til kemur að skálmum. Þær eru prjónaðrar í hring á sokkaprjóna, hvor í sínu lagi. Að lokum er lykkjað saman í klofi, axlaböndin prjónuð og tölur festar á.
STÆRÐIR
Nýburar / 0-3 mán / 3-6 mán / 6-9 mán
UMMÁL
36, 40, 44, 48 cm
GARN
Woolly light frá Jord Clothing (fæst hjá frostknit.is) eða það garn sem passar prjónafestunni.
50, 100, 100, 100 gr
Athugið að ef annað garn er valið getur það haft áhrif á stærð flíkurinnar auk þess sem magnið gæti breyst.
PRJÓNAR
Hringprjónar, 40 cm # 2,5 og 3,0
Sokkaprjónar # 2,5 og 3,0
PRJÓNAFESTA Í SLÉTTU PRJÓNI
28 L = 10 cm
ANNAÐ SEM ÞARF AÐ HAFA VIÐ HÖNDINA
Nokkur prjónamerki
Skæri, nál
2 tölur