Peysan er prjónuð í hring ofan frá og niður með útaukningum í laska. Berustykki er prjónað með lit A og eftir að stykkinu hefur verið skipt upp er skipt yfir í lit B. Rendur eru prjónaðar á bol og ermum með lit A.
Ermalykkjur eru geymdar á meðan bolur er prjónaður og þær svo prjónaðar hvor í sínu lagi.
STÆRÐIR
XXS – XS – S – M – L – XL – 2XL – 3XL
UMMÁL BOLS
96 – 102 – 106 – 110 – 115 – 119 – 124 - 129 cm
GARN
1 þráður af Lana Gatto VIP (50 gr=200 m) ásamt 1 þræði af Lana Gatto Silk Mohair (25 gr=212 m) í hvorum lit
LITUR A: 300 – 330 – 360 – 400 – 430 – 480 – 520 – 550 metrar af hvorum þræði
LITUR B: 480 – 500 – 530 – 570 – 640 – 700 – 760 – 820 metrar af hvorum þræði
Lana Gatto garnið er selt hjá garnoggjafir.is
Hægt er að velja grófara garn og nota þá aðeins einn þráð í hvorum lit. T.d. Maxi soft frá Lana Gatto, Fluffy frá Jord Clothing, Spuna eða Léttlopa frá Ístex o.s.frv. svo lengi sem garnið er með sömu prjónfestu og gefin er upp í þessari uppskrift.
PRJÓNAR
Hringprjónar 40 og 60/80 cm, # 5,0 og 5,5
Sokkaprjónar # 5,0 og 5,5
PRJÓNAFESTA Í SLÉTTU PRJÓNI
18 L og 23 umf = 10 cm (sannreynið prjónfestu og breytið um prjónastærð ef þarf)
ANNAÐ SEM ÞARF AÐ HAFA VIÐ HÖNDINA
Prjónamerki
Hjálparband eða nælur
Skæri, nál