Vettlingarnir eru prjónaðir í hring, frá stroffi og fram á prjóna nr. 3,5. Þannig verða þeir þéttari en ella.
Aukið er út fyrir þumaltungu og þegar því er lokið eru þumallykkjur settar á hjálparband eða nælu og belgurinn prjónaður í hring þar til kemur að úrtöku.
Þumallykkjur eru því næst settar uppá prjónana aftur og þumallinn prjónaður í hring.
Auðvelt er að leika sér með liti og því er tilvalið að nýta afgangana í þetta verkefni. Vettlingarnir geta verið einlitir, tvílitir, marglitir og/eða með mynstri, allt eftir því hvað hver og einn vill. Hugmyndir að mynsturbekkjum eru aftast í uppskriftinni.
Vettlingar sem eru með þumli eins og þessir passa báðir á hvora hönd sem er.
STÆRÐIR
S - passa fyrir unglinga og/eða fíngert fólk (langamma hans Matthíasar fékk vettlinga í þessari stærð)
M - passa fyrir allflesta fullorðna
L - passa fyrir stórgert fólk eða þau sem eru með stórar hendur (t.d. pabba og afa 😊 )
GARN
Hvaða garn sem er í DK grófleika (gefið upp fyrir prjóna nr. 4,0)
60-80 gr. alls í öllum stærðum
Athugið að ef garn í öðrum grófleika er valið hefur það áhrif á stærð vettlinganna.
PRJÓNAR
Sokkaprjónar # 3,5
ANNAÐ SEM ÞARF AÐ HAFA VIÐ HÖNDINA
Prjónamerki
Hjálparband
Skæri, nál